விஜய் முதல் விஜயகாந்த் வரை – சினிமாவை அலங்கரித்த ஆசிரியர்கள் கற்றுக்கொடுத்தது என்ன?

ஆசிரியர்கள் தினம் இன்று கொண்டாடப்படுகிறது. இந்நிலையில் திரையுலகில் ஆசிரியர் கதாபாத்திரங்கள் ஏற்படுத்திய தாக்கங்கள் குறித்து விரிவாக பார்ப்போம்.

நம்மவர்: 1994-ல் வெளியான இப்படத்தில் வி.சி.செல்வம் என்ற ஆசிரியர் கதாபாத்திரத்தில் கமல் நடித்திருந்தார். உண்மையில் இப்படியான ஒரு ஆசிரியர் நமக்கும் இருந்தால் நன்றாக இருக்குமே என யோசிக்கும் அளவுக்கான ஒரு புரொஃபசர். அவரை எதிர்க்கும் மாணவனைக்கூட நேர்வழிப்படுத்த முயலும் வி.சி.செல்வம் தேர்ந்த ஆசிரியருக்கான அடையாளமாக இன்றளவும் திகழ்கிறார்.