Jailer: `குரைக்காத நாயும் இல்ல… அர்த்தமைந்தா ராஜா’ – ஜெகன்

முதல்வர் ஜெகன்மோகன் ரெட்டி தலைமையிலான ஒய்.எஸ்.ஆர் காங்கிரஸ் ஆட்சி நடைபெற்றுவரும் ஆந்திராவில், அடுத்தாண்டு மக்களவைத் தேர்தலோடு சட்டமன்றத் தேர்தலும் நடைபெறவிருக்கிறது. இதனால், முன்னாள் முதல்வரும், தெலுங்கு தேசம் கட்சியின் தலைவருமான சந்திரபாபு நாயுடு, ஜனசேனா கட்சியின் தலைவரும், நடிகருமான பவன் கல்யாண் ஆகியோர் ஆட்சியைப் பிடிக்க ஜெகன்மோகன் ரெட்டியைக் கடுமையாக விமர்சித்து வருகின்றனர்.

இந்த நிலையில் கடந்த சில மாதங்களுக்கு முன் நடிகர் ரஜினியை விமர்சித்த ஆந்திர அமைச்சர் ரோஜா, தற்போது ஜெயிலர் பட இசை வெளியீட்டு விழாவில் ரஜினி பேசிய வசனத்தைப் பேசி, பவன் கல்யாணை விமர்சித்திருக்கிறார்.