"ஊடகத்தின் குரலை ஒடுக்குவதை நிறுத்துங்கள்" –

ஊடகத்தின் குரலை ஒடுக்கும் முயற்சியில் அரசாங்கம் ஈடுபட்டிருப்பதாக எதிர்க்கட்சிகள் குற்றம்சாட்டிவருகின்றனர். இந்த நிலையில், விவசாயிகளின் பிரச்னைகளுக்காக வாதிட்டு வந்த டிஜிட்டல் மீடியா தளமான காவ்ன் சவேராவின் (Gaon Savera) ஃபேஸ்புக், ட்விட்டர் கணக்குகள் முடக்கப்பட்டன. இந்த நிறுவனம் பஞ்சாபில் அமைந்திருக்கிறது. மன்தீப் புனியா என்ற இளம் பத்திரிகையாளரால் காவ்ன் சவேரா என்ற டிஜிட்டல் மீடியா தளம் இயக்கப்பட்டு வருகிறது. இவர் கடந்த காலங்களில் டெல்லியின் திக்ரி, சிங்கு மற்றும் காஜிபூர் எல்லைகளில் விவசாயிகளின் போராட்டங்களைச் செய்தியாக்கியதற்காக கைதுசெய்யப்பட்டார். அவரின் டிஜிட்டல் மீடியா தளமானது கிராம வாழ்க்கை, விவசாயம் பற்றிய செய்திகளை வழங்கி வருகிறது.

அதோடு, சுதந்திரமாகச் செயல்பட்டுவரும், ஸ்ரீநகரைச் சேர்ந்த செய்தி நிறுவனமான (Independent News Organisation) தி காஷ்மீர் வாலாவின் (The Kashmir Walla) இணையதளம், ஃபேஸ்புக், ட்விட்டர் கணக்குகள் மத்திய அரசின் உத்தரவின் பேரில், முடக்கப்பட்டிருக்கின்றன. இது குறித்து காஷ்மீர் வாலா இணையதளத்தின் ஆசிரியர் ஃபஹத், “நான் ஏற்கெனவே பிப்ரவரி 2022-ல் கைதுசெய்யப்பட்டேன், மேலும் UAPA-வின் கீழ் குற்றம்சாட்டப்பட்டு சிறையில் அடைக்கப்பட்டேன். அதுமட்டுமின்றி எங்களுடைய பயிற்சி பத்திரிகையாளர் சஜாத் குல் இன்னமும் உத்தரப்பிரதேசத்தில் சிறையில்தான் இருக்கிறார்” என்றார். 

நாட்டின் பல பகுதிகளில் ஊடகத்தின் குரலை முடக்கும் நடவடிக்கைகளுக்கு டெல்லி பத்திரிகையாளர்கள் சங்கம் தனது கடும் எதிர்ப்பை தெரிவித்திருக்கிறது. இது தொடர்பாக வெளியிட்டிருக்கும் அறிக்கையில், “ நியூஸ் போர்ட்டல்ஸ், யூடியூப் சேனல்கள் மற்றும் சமூக ஊடக கணக்குகளை முடக்குவது என்பது மத்திய, மாநில அரசுகளின் பொதுவான செயலாக மாறி வருகிறது. மணிப்பூர், காஷ்மீர் போன்ற இடங்களில் நீண்ட காலமாக இணைய தளம் தடைபடுவது பொதுவானதாகி வருகிறது. ஊடகத்தின் குரலை ஒடுக்குவதை நிறுத்துங்கள்.

உலகின் இணைய முடக்கத்தின் தலைநகராக இந்தியா பிரபலமடைந்து வருகிறது, அதிக எண்ணிக்கையிலான இணையதளத்தை வேண்டுமென்றே சீர்குலைக்கிறது. சுதந்திர ஊடகம் மற்றும் ஜனநாயகத்துக்கு பாதகமான இத்தகைய தன்னிச்சையான நடைமுறைகள் அனைத்தையும் நிறுத்த வேண்டும் என்று டெல்லி பத்திரிகையாளர்கள் சங்கம் கேட்டுக்கொள்கிறது”‘ எனக் குறிப்பிடப்பட்டிருக்கிறது.

Junior Vikatan-ன் பிரத்யேக Whatsapp Group…

இணைவதற்கு இங்கே க்ளிக் செய்யவும்…

வணக்கம்,

BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.

ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்…