ARR Concert: இசைநிகழ்ச்சி ஏற்பாட்டாளர்கள் மீது நடவடிக்கை பாயுமா? தாம்பரம் காவல் ஆணையர் பேட்டி!

இந்த நிலையில் இசை நிகழ்ச்சி நடைபெற்ற பனையூரில் தாம்பரம் இணை ஆணையர் மூர்த்தி உடன் தாம்பரம் காவல் ஆணையர் அமல்ராஜ் ஆய்வு மேற்கொண்டார். அப்போது செய்தியாளர்களை சந்தித்த அவர், “நேற்றைக்கு மாலை 6 மணிக்கு இந்த நிகழ்ச்சி தொடங்கியது. எதிர்பார்த்ததை விட அதிக கூட்டம் வந்ததே பிரச்னைக்கு காரணம் என தெரிகிறது. 25 ஆயிரம் பேருக்கு இருக்கைகள் போடப்பட்ட நிலையில் கூட்டம் 35 ஆயிரம் முதல் 40 ஆயிரம் வரை வந்துள்ளனர். இதற்கு காரணம் என்ன என்பது குறித்து விசாரிக்கவும், முன்னெச்சரிக்கை நடவடிக்கைகள் தொடர்பாகவும் விசாரணை செய்து வருகிறோம். அமைப்பாளர்களிடம் ஆலோசனை செய்து இதுபோன்ற நிகழ்வுகள் எதிர்க்காலத்தில் ஏற்படாதவாறு நடவடிக்கை எடுப்போம்.